www.englandtimes2.com

منديات انجلد تايمز
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 ○☼● فيني طفل ما مل من كلمة ( ياليت ) ●☼○

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
c.ronaldo
مشرف عام
مشرف عام
avatar

المساهمات : 140
تاريخ التسجيل : 27/06/2008
العمر : 24

مُساهمةموضوع: ○☼● فيني طفل ما مل من كلمة ( ياليت ) ●☼○   الجمعة يونيو 27, 2008 2:30 pm

حبيت اشوفك قبل ما اشد الرحال
كيف الوسيله و انت معْ غيري لهيت


يا قو قلبي من بعد غدر الليال
اسأل و اجي ما كني من غدرك شكيت !!


راحل و اردد اغنية ( صعب السؤال )
وش لي بزرع ٍ من ثماره ما جنيت !!


تبكي عيوني من حزن نبرة ( طلال )
كنه يغنيني و يدري بما خفيت


لا قالها ( انتي الجنوب و انا الشمال )
والله ثم والله احس اني انتهيت


محتار انا في قلبي اللي لا يزال
يهوى الذي ساكن مع غيري في بيت


ادري نصيب ٍ قد جمعهم بالحلال
و ادري خطاي اني مع وقتي وفيت


و ادري اللقا اقرب صديق ٍ للمحال
و ادري الدموع بلا رجا مهما بكيت


بس اعذروني لا تعلقت بخيال
فيني طفل ما مل من كلمة ( ياليت )


كل ما نهرته غمض عيونه و قال
وش للزمن يقسى و يهدم ما بنيت ؟


محتار اجاوب ولا امسح دمع سال
يا من يبيع الصبر .. في الحال اشتريت


الناس تحسب فيني القسوه خصال
بعض القصايد في زواياها قسيت


من لام شخص ٍ فوق طاقة قلبه شال
ربي يلومه .. و انا من قلبي دعيت


لا تحسبوني مهتني بعطف و دلال
ولا اقضّي الليل ويا اللي هويت


ميت و ارتب قافي من تحت الرمال
من يوم راح اللي نكر كل ما عطيت


لكن بقى مني بعد موتي ظلال
للي قتلني يوم انا بحبه ابتليت


يمكن يتعبه الزمن لا حظه مال
يرجع يدورني بعد ما انا قفيت


يلقى وفاي و طيبتي وكلمة تعال
قبل العذر يسمع صدى كلمة ( رضيت )


يمكن اقول انها ( قصيدة الإعتزال )
و يمكن ارد اكتب اذا لنفسي قريت


دمع الشعر يمطر من عيوني همال
و هذي القصيده قبل ابكيها بكيت


لا شافكم قولوا له شديت الرحال
حبيت اشوفه لكن اني ما قويت


و اذا سأل قولوا ترى ( صعب السؤال )
ودك بزرع ٍ من ثماره ما جنيت ؟؟!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
○☼● فيني طفل ما مل من كلمة ( ياليت ) ●☼○
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» ][●احســاس صعــب●][

صلاحيات هذا المنتدى:لاتستطيع الرد على المواضيع في هذا المنتدى
www.englandtimes2.com :: أدب وشعر :: الشعر الشعبي-
انتقل الى: