حسبالهم ابتعد عنه والله غبائهم حيرني.... بقلمي

هذا عديم الاحساس خلاني بأسوأ حال
تاركني مشغولة عليه وشوقي مدمرني

يدريني احبه بجنون حب خيال
وهو يتعمد بصدوده هذا يجنني

ياعالم ياناس بربكم هاي افعال؟
يخليني احبه بجنون وبعدين يتركني

العربي يبين عربي من الشهامة والعقال
واني ابين احبه لمن باسمه اغني

وبعالي الصوت اقول وينك عني تعال
واليسمع خله يقول اللي يريده عني

شوقي له سوا بالعشيرة قيل وقال
واني لاسامعة ولاشايفة ومايهمني

يقولون البنية سوت الما خطر عالبال
بهمس يحجوها وعرفت هالكلام عني

عرفوني ولهانه لمن حطيت للعصير هال
عرفوا ساعتها العشق والشوق كاتلني

حاروا شيسوون بية وقيدوني بحبال
حسبالهم ابتعد عنه والله غبائهم حيرني

صدقوني يا ابوي وياعم وياخال
حبيبي بالقلب اقرب الي من حبالكم ذني

اوف هاهيه شيعدله لقلبي بعد سواها ومال
واني على حبي باقية ولوالزمن من شوفته حرمني


بقلمي المتواضع